|
|
Solo una lagrima
רינת עמנואל
מילים: לא ידוע
לחן: רון לאור
Veo por primera vez,
i pasaron anyos ke te konosko,
una lagrima fuir de tu kara;
solo una… I yene
arrasta komo un pelago
la kolor de tus ojos.
Una sola!... Porke este monologo?
Desha ke mi mano
sea el delta para su fameliko sendero,
I ayi, agonizante, sin espasios ni kodiches
ke le agan arrekodrar la pasada por tu kuero,
muera al sentir el kontakto kon mis lavios.
I si los fiere
asta azerles sangrear,
no avra duvda de ke es por mi
su raiz esbaratada.
Solo una lagrima
por los kampos ke fui sembrando de bezos.
Pokos devieron de ser, muy pokos.
Ay!, no se… esta estansya
de silensio
me aze solidarizarme kon las arenas del dezierto.
Solo una,
komo ola enemistoza kon el mar
si ya no me amas
mis lagrimas por onde iran?
|
|
|
|
|
|
|
תודה, המערכת תבדוק את הקליפ ותוסיף אותו למאגר
|
|
© זכויות היוצרים שמורות למחברים
|
|
|
|
|
|